Ola
todas e todos:
Hoxe
estamos aquí, reunidos, no parque de Castrelos de Vigo, para correr a
favor do galego, a lingua deste país. Hoxe iniciamos nós, desde aquí, o
Correlingua, unha carreira alegre, divertida, amizosa, combativa e non
competitiva que nos vai levar por toda Galicia. Hoxe estamos en Vigo e en
Ponteareas. Mañá, a carreira continúa en Ourense e logo tomarán o
relevo na Coruña, Ferrol, no Rosal, Tomiño, Tui, Oia, Pontevedra, Lugo,
A Mariña e rematará o 16 en Santiago de Compostela.
Así
que xa sabedes. Correde a favor da lingua. E falade galego porque iso vos
fai distintos, máis vosos, máis seguros, máis espabilados, máis
conscientes. Ademais galego é unha lingua milagrosa que cura enfermidades
como a impaciencia, a os nervios, os granos da cara, os pés planos, a dor
de cabeza, as feridas das pelexas, as dores de amor, as indixestións, os
enfados entre amigos, a gripe e moitas outras cousas.
Correde
a favor da lingua porque falar galego crea hábito: engancha, pero non
mata como a droga. Cando un empeza a falalo, logo xa non o pode deixar
nunca máis; e ese é un privilexio que só teñen os que o falan.
Ademais, falando galego pérdeselle o medo á noite, porque é
sabido que os que falan a nosa lingua son moito máis valentes.
Correde
a favor da lingua porque falar galego abre o apetito e dá unha ganas
desmesuradas de comer, por exemplo, unha cebola, unha sandía rectangular,
unha vaca voadora, unha xirafa sen pescozo, un elefante con corbata, un
baobad con anorexia, un dragón panzudo, un planeta vermello e todas as
estrelas do firmamento.
Correde
a favor da lingua porque o galego ten o espírito do rock bravú: os que o
falan son arroutados, paixonais, teñen sentidiño, virtuosismo e
cosmopolitismo, por iso se pode dicir que están aquí e en todas partes
ao mesmo tempo.
Por
iso hoxe, todos vos, que o falades ou que a partir de agora o ides falar,
queredes correr a favor do galego. Adiante pois. E que a lingua corra
convosco. Viva o galego. Viva.
Fran
Alonso, Vigo 8 de Maio.
Correlíngua 2001.
Manifesto local lido ás e aos linguatletas da xornada viguesa.
Versión
levada a Ourense desde Vigo e O Condado por Fran Alonso:
Ola todas e
todos:
Hoxe
estamos aquí reunidos, convosco, en Ourense, para correr a favor do
galego, a lingua deste país. Nós vimos desde Vigo e desde Ponteareas a
traervos o relevo para esta carreira alegre, divertida, amizosa, combativa
e non competitiva que nos vai levar por toda Galicia defendendo,
orgullosos, a nosa lingua. Onte estabamos en Vigo e Ponteareas, hoxe
estamos en Ourense, e mañá tomarán o relevo na Coruña e logo en Ferrol,
no Rosal, Tomiño, Tui, Oia, Pontevedra, Lugo, A Mariña e rematará o 16
en Santiago de Compostela.
Así
que xa sabedes. Correde a favor da lingua. E falade galego porque iso vos
fai distintos, máis vosos, máis seguros, máis espabilados, máis
conscientes. Ademais galego é unha lingua milagrosa que cura enfermidades
como a impaciencia, a os nervios, os granos da cara, os pés planos, a dor
de cabeza, as feridas das pelexas, as dores de amor, as indixestións, os
enfados entre amigos, a gripe e moitas outras cousas.
Correde
a favor da lingua porque falar galego crea hábito: engancha, pero non
mata como a droga. Cando un empeza a falalo, logo xa non o pode deixar
nunca máis; e ese é un privilexio que só teñen os que o falan.
Ademais, falando galego pérdeselle o medo á noite, porque é
sabido que os que falan a nosa lingua son moito máis valentes.
Correde
a favor da lingua porque falar galego abre o apetito e dá unha ganas
desmesuradas de comer, por exemplo, unha cebola, unha sandía rectangular,
unha vaca voadora, unha xirafa sen pescozo, un elefante con corbata, un
baobad con anorexia, un dragón panzudo, un planeta vermello e todas as
estrelas do firmamento.
Correde
a favor da lingua porque o galego ten o espírito do rock bravú: os que o
falan son arroutados, paixonais, teñen sentidiño, virtuosismo e
cosmopolitismo, por iso se pode dicir que están aquí e en todas partes
ao mesmo tempo.
Por
iso hoxe, todos vos, que o falades ou que a partir de agora o ides falar,
queredes correr a favor do galego. Adiante pois. E que a lingua corra
convosco. Viva o galego. Viva.
Fran
Alonso, Ourense 9 de Maio.
Correlíngua 2001.
Manifesto de enlace lido ás e aos linguatletas da etapa ourensana.
manifesto
de Ponteareas: Gracias
a todos os aquí presentes por participar nesta marcha pola língua que,
anque soe a paradoxa, se celebra para que os galegos non esquezamos o
galego, e para que os que non falan galego respeten o noso idioma como
nós respetamos os idiomas deles. Non pedimos un imposible. Somos galegos
e os galegos falamos galego. Polo que non é ningunha barbaridade querer
desenvolver e construir o noso mundo co noso idioma e no noso idioma,
senón unha necesidade, tento psicolóxica como social e cultural. O
idioma forma parte de nós. Igual que as partes do noso corpo, e, coma
éste, dásenos por nacemento. Así que falar e escribir en galego é un
dereito que se ten que respetar. Quen rexeita o seu dioma está
rexeitándose a si mesmo, ou unha parte de si mesmo. E aceptarse a si
mesmo é o primeiro paso para despois aceptar ós demáis e poder convivir
con eles en paz. Neste novo século o idioma galego ten que deixar de ser
un idioma de resistencia para converterse nun idioma de acción e de
convivencia. Foron os nosos devanceiros os que resistiron, e en
situacións moito máis difíciles. A nós tócanos agora recoller esa
fermosa herdanza e construir un mundo en galego de liberdade e en paz.
Hoxe, os que estamos aquí en Ponteareas, e os que participan neste Correlíngua
en Vigo, Ourense, A Coruña, Ferrol, Guillarei, Oia, Tui, Pontevedra, Lugo
e Santiago, así como os que o apoian, formamos todos unha árbore de
máis de cen mil flores dos cales froitos multiplicaranse. Porque a
Árbore da Fala é a Árbore da Liberdade e da Paz. Alfonso
Pexegueiro, Ponteareas, 8 de maio de 2001.
Correlíngua 2001.
Manifesto local lido ás e aos linguatletas da xornada do Condado.
|